Ronaldo segist vera á leið til Manchester City

Brasilíski leikmaðurinn Ronaldo segir að hann sé við það að ganga til liðs við Manchester City.

Þessi 31 árs gamli leikmaður, sem að hefur þrisvar sinnum verið valinn besti leikmaður í heimi er ósamningsbundinn eftir að hann yfirgaf AC Milan vegna alvarlegra hnémeiðlsa sem hann hlaut í febrúar.

Ronaldo segir að hann sé tilbúinn að leika við hlið Robinho hjá City.

,,Mér líkar verkefnið sem að Manchester City hafa sýnt mér. Þeir vilja gera félagið að einu því stærsta í heiminum og ég held að ég geti hjálpað til," sagði Ronaldo.

,,Þetta er besta tilboð sem að ég hef fengið og það verður mjög áhugavert að spila með Robinho. Ég og hann saman, við getum skoraði yfir fimmtíu mörk."