Fleiri strákar úr Breiðabliki undir smásjá

Guðmundur Kristjánsson og Jóhann Berg Guðmundsson tveir af ungu mönnunum í liði Breiðabliks. mbl.is/Brynjar Gauti

Við vissum af áhuganum á Jóhanni frá því snemma í sumar og fleiri lið hafa sýnt öðrum leikmönnum okkar áhuga líka,“ segir Einar Kristján Jónsson, formaður knattspyrnudeildar Breiðabliks.

Sem kunnugt er orðið er talið næsta frágengið að Jóhann Berg Guðmundsson gangi til liðs við stórliðið Hamburger Sportverein í Þýskalandi þó að hann eigi enn eftir að samþykkja samning þann er á borðinu er.

Ljóst er að fjárhagur Blika vænkast til muna gangi þau kaup eftir en Einar vill ekki nefna neinar tölur hvað varða söluna á Jóhanni. „Slíkt er alltaf trúnaðarmál eðlilega en ég get sagt að þetta er peningar sem máli skipta fyrir félagið enda aðstæður erfiðar fyrir íþróttafélög eins og aðra í þjóðfélaginu eins og sakir standa.“

Athugasemdir

[Atli Freyr Sveinsson, 1.10.2008 kl. 09:30]

Þetta eru frábærar fréttir fyrir íslenskan fótbolta og ekki sýst fyrir breiðablik. það er gott að það sé verið að taka eftir svona ungum og efnilegum fótboltamönnum á íslandi.